စာအုပ်ထဲမှာ ဆရာကြည်က သူရေးခဲ့ဖူးတဲ့ မြင်သာ၊ သုံးပင်လှက ဇာတ်ကောင်တွေအပြင် ကျွန်တော်တို့နဲ့ တသားတည်းဖြစ်ခဲ့ပြီး ရယ်ကြောကိုတောင် မနည်းဖြတ်ယူခဲ့ရတဲ့ အာဠာဝကဇာတ်ကောင်ကြီး ဘီလူးလှဦးကိုပါ ထည့်ထားသေးတယ်ဗျ။
စာတစ်ကြောင်းကို ခုနစ်ဘဝစာလောက် ရယ်နေရတာမျိုးပါဗျာ ? ခိုးစားတဲ့ သူခိုးတစ်ယောက် အချစ်နဲ့တွေ့တော့ ကံငါးပါးကိုတောင် ရှောင်ပြတော့ဦးမတဲ့။ အချစ်က အစွမ်းထက်သွားပြန်ရောလေ။ ဒီဝတ္ထုထဲမှာ ခပ်သောသောဒရာမာခင်းရင်း အိုးနင်းခွက်နင်းဟာသတွေကို ဖတ်ရမယ်။
သူကြီးပါကညောတို့၊ ရှင်စောပုထက် အရင်ပုတဲ့ အရင်စောပုတို့၊ သမန်းကျားထက်စွမ်းတဲ့ သမန်းဝက်တို့၊ သူခိုးအသည်းကို ပြန်ခိုးခဲ့တဲ့ လှမေနဲ့ ကျွန်တော်တို့ရဲ့ ဘစ်ဟီးရိုးကြီး ဘီလူးလှဦးကိုပါ စင်ပေါ်တင်ထားတာဆိုတော့ ... ကျုပ်တော့ ထုတ်လိုက်ပြီ! ခင်ဗျားတို့ ရယ်ဖို့ပဲ ကျန်တယ်လို့ ဆရာကြည့်လေအတိုင်း ပြောရတော့မယ်ဗျ။ ။
