ကိုယ်ဟာ တိမ်တွေလိုပဲ
အချစ် မင်းကတော့ ကောင်းကင်လိုပဲ
အဆုံးအဆမရှိ လွင့်မျောရင်တောင်
ပုံသဏ္ဌာန်တွေ အမျိုးမျိုးပြောင်းလဲနေရင်တောင်
စိတ်တွေ ညိုရင်တောင်၊ မာနတွေ တောက်ရင်တောင်
ပြေးရင်း ဝေးပြီးလို့ ထင်ခဲ့ပေမယ့်
တကယ်တော့ ကိုယ်ဟာ မင်းအချစ်စက်ဝန်းအောက်မှာပဲ တိမ်တွေလိုပေါ့အချစ်ရယ် . . .
? မျှော်လင့်ခဲ့ရတဲ့ တစ်စုံတစ်ယောက်၊ ကိုယ့်မှာရှိသမျှမေတ္တာတွေကို ပုံအောပြီး ပျိုးထောင်ခဲ့ရတဲ့ ချစ်ခြင်းပန်းဥယျာဉ်လေးက တစ်ချိန်ချိန်မှာ လန်းဆန်းပွင့်လန်းနေမှာကိုပဲ ဖြစ်စေချင်ခဲ့တဲ့လူတစ်ယောက်ရဲ့ ရည်မှန်းချက်တွေမပြည့်ခဲ့တဲ့အခါမှာ အလိုလိုပေါက်ဖွာလာတဲ့ စိမ်းစိုလန်းဆန်းခြင်းရဲ့ ဆန့်ကျင်ဘက်အမှောင်ထုထဲက ခံစားချက်တွေကို ဒီစာအုပ်လေးမှာ ရင်းနှီးမြှုပ်နှံထားပါတယ်။
? မုန်းပစ်ဖို့မွေးဖွားလာတဲ့ ချစ်ခြင်းမေတ္တာမဟုတ်လေတော့ တိမ်တွေရဲ့ကြားမှာပြန်ဆုံမယ့်ရက်ကလေးကို လက်ချိုးရေတွက်ရင် နာကျင်ခြင်း၊ သတိရခြင်း၊ ချစ်ရခြင်းတွေကို အချိုးကျရောစပ်ကာ စာဖတ်သူတွေကို စကားလုံးနုနုလေးတွေရဲ့ ဖမ်းစားရင်း " ဘယ်နိုင်ငံရဲ့ ဘယ် Calendar မှာမှ မရှိရင်တောင် တိမ်တွေပေါ်မှာတော့ ရှိနေနိုင်တယ်မဟုတ်လားလို့ တွေးမိရုံလေး . . . "
